Ungu.岩狗命理館

如果命師話你知，你人生嘅好運已經行完，而家行緊嘅大運只係中下， 再之後嗰10年大運係下下。你會點揀？ 1. 我命由我不由天！我會裝備自己，逆難而上！ 2. 知所進退，見好就收，準備好條後路。 曾經認識一位外國做生意嘅有錢人，揀咗1. 號路線來行，但最近得知佢個結果係失敗。 呢位舊相識，唔係我客戶。佢係特殊格局金專旺嘅從革格，地支金局。行20年水運，食傷洩秀，風生水起，由幾人公司發展到幾億生意。 但係好景不常，10年丑土大運，艱苦支持。到咗木運只不過行左兩日，就喺外國嘅機場被拘捕，刑事起訴。國外嘅生意同埋資產被法庭充公，欠債超過九位數字。下圖就係佢嘅出事嘅流月流日，為保障佢私隱，唔show八字只show五行。 先分享兩個排盤軟件唔會Show嘅八字技巧： 1. 天干嘅甲丙戊可以等同於地支一個 寅 2. 天干嘅乙 係可以同地支 寅辰 組成 拱合局。力量同方局一樣。 天干合出來一個寅加上地支兩個，三寅沖申，正財沖劫財； 拱合木局對戰金方局； 寅巳申三刑； 寅係佢嘅驛馬，應驗喺外地出事 另外唔知道佢出事嘅時辰有冇丁火或者午火；如果有，就仲要加埋寅午戌火局。 等於係木局+火局去沖原本金局，三刑嘅超級超級加強版🤯 圖片請到THREAD查看 https://www.threads.net/@ungu.9/post/DHSsw62RVqJ?xmt=AQGzGauqseTdNzygKXNpoTncm-oDLpH1fE1FXZwFoCIxwQ

  「吹紅了桃花 吹綠了柳樹 你在路上總會安慰誰」 感恩你給世間的 RIP 方大同，用音樂修行的人🙏🏻 2025/03/01

有人說能，有人說不能。 其實說清楚點，一個師父幫你算命是不會幫你改變命運的。借來的財，擋去的災，也本是你今生劇本早晚應有的。 真正改變命運的，只有你自己的心。 認識命運的變化，接受命運的變化，就是改變的開始。 認識到人在天地間的渺小，就不是被動的「認命」，而是主動的順命。 奧秘就在，心的改變，牽動人與人相處的方式改變，人與人的關係改變了，八字的十神對應的人和事就會改變。 2025/02/25

混血肥仔八字就係一個典型靠腦搵食，錢多女多嘅例子。雖然時辰唔知，單睇年月日六隻字，估計佢乙木日元極弱，屬於特殊格局 - 從財格，而且係傷官生財嘅從財格。如果時辰都係火土金，而無水木嘅，呢個八字靚到一絕。 不過，特殊格局最驚乜嘢？就係破格！ 混血肥仔就遇上2022年開始嘅甲子大運，係由靚仔嘅「從財格」破格變成 「財多身弱」。一但變做財多身弱，雖然會依然係搵錢容易，但係自身就受唔起咁多錢同埋咁多女人喺身邊，會有破財同埋複雜嘅男女關係。（留言部分細節講破格嘅原理） 可以不負責咁推測，由2022年開始，婚姻就已經有問題。到咗今年乙巳，流年同日柱夫妻宮伏吟，出軌嘅機會大增🥶，忍唔住，就行差踏錯。 從財格，簡單啲嚟講，就係自身太弱到極致，自己都放棄關注自己，用晒自己所有聰明才智，所有嘢就係為咗錢同埋女人。 從財格最鍾意嗰啲剋洩耗自己嘅流年，而最驚，就係遇到大運流年生旺自己。即係印比齊來。一但印比齊來，自身就由極弱，旺咗少少而變成偏弱，咁就變成咗財多身弱格局。 混血肥仔 由2022年開始行十年甲子大運就係印比齊來。乙木嘅印就係水，比劫係木。甲子大運就係最旺嘅木加最旺嘅水。而且混血肥仔嘅乙木見甲木，術語叫藤蘿系甲，意思係原本唔高嘅欄藤植物（自己），依家遇上大樹可以俾佢攀爬到好高。呢樣，對從財格來講，係大破格。而且，大運嘅子水，除左旺自己之外，亦都剋住夫妻宮嘅巳火。可以不負責咁推測，由2022年開始，婚姻就已經有問題。 https://www.threads.net/@ungu.9?xmt=AQGzcGMS1c5bFmhjenPUrc8xMowKm1KfWMxy-Gl95FKuSXA 2025/02/21  

如果你之前搵過八字師父算十年大運，話2025 蛇年係好運年。建議你搵番師傅睇埋流年逐月睇。 因為巳蛇係好容易俾其他地支（譬如月份）改變屬性，改頭換面。巳蛇本身屬火，但一旦同酉+丑見面，會變成 金， 另外同 申見面， 又會變成水。火係熱，金水都係凍嘅，甚至火和水係完全相反嘅五行。呢種因為相合而變成五行相反嘅情況，只會係蛇年出現。 實際例子來講，假如蛇年好係因為你八字喜火，但到了申月（大約陽曆8月），好有可能不但無左火，仲變埋水，水係你嘅忌。命運如果由好慢慢變壞，人還係比較容易適應。但如果人明明係行緊一個好運嘅年，突如其來嘅一個月，行衰運，呢種急劇嘅變化，好多時都意味著係意外嘅發生。 上面嘅例子只不過係想借喜火嘅八字解釋點解蛇年容易有中伏位。喜水，或者喜金嘅八字，又係完全另一個故事。始終巳蛇係變化多端，同埋睇八字要睇曬八隻字同埋帶出來嘅意象。所以最好搵番師傅望望  2025/02/12 

大S係入唔到蛇年唔係過唔到龍年 我見一啲師傅算大S離開嘅日期係用2024年龍年，因為佢走嘅時候係立春前一日早上。講佢係犯太歲，辰辰自刑，過唔到龍年。 但係個個人一世都犯好多次太歲啦，點會應到要意外走，辰辰自刑又唔係最衰嘅刑。 我嘅解讀係要對照番喜用神。乙巳年對大S實在係太差，仲差一日未到，乙巳嘅進氣已經害到佢咁。大S本命官殺混雜，殺重，火燒金。殺重嘅人，要化殺氣為成就，不外乎兩種，殺印相生或者傷官制殺，但呢兩者都要身強。 大S 年柱龍年辰土，係佢養命之源，濕土生養月令酉金，日主辛金得令，所以身強承受到官殺嘅壓力。明顯，龍年係喜，大S絕對唔驚犯太歲。咁係咩壞事？大S嘅忌神，其實係日柱坐下夫妻宮嘅卯，十神來講偏財。因為財壞印，卯木剋辰土，同埋卯辰相害，剋左養命之源；卯木又沖月令酉金。好在呢個偏財卯木尚算勢孤力弱，金強嘅時候木受限制，平時留係夫妻宮隱隱作惡。 點解我話2025乙巳年咁差？先講番大運，大S依家行緊大運癸巳，癸水瀉弱日主辛金，要減身強，巳火令天干官殺通根，令到壓力進入內在，大運已經差。流年，地支再來多個巳，天干兩個官殺火，依家得到地支兩個巳火點燃，殺再加重；天干乙，另到佢最怕嘅忌神卯木，透出天干，暗藏嘅問題，現在惡化出來。雖然唔知佢八字中嘅時辰二字，但我估計如我前一篇文所講，當條命好似一張凳有隻腳都脆脆地，上一下用盡力𢭃起（好年），下一下用盡力鋤落去（差年），呢隻腳就好易斷了… 命運早有安排，流感只是導火線。 大S 一路好走 2025/02/05 https://www.threads.net/@ungu.9/post/DFsqCpOvhkI?xmt=AQGzcGMS1c5bFmhjenPUrc8xMowKm1KfWMxy-Gl95FKuSXA

之前講巳蛇變化多端，今次講埋點解寅巳申三刑咁複雜。坊間講寅巳申用地支藏干打交黎解釋實在係簡單複雜化，反而模糊咗個問題，以下唔討論藏干。 四長生，抽走其中一個，有四種組合： 亥寅巳無申，水木火順生唔會刑 申亥寅無巳，金水木順生唔會刑 亥巳申無寅，主戰場水火交戰，火已經稍微不利，水再有金加強。金水一黨強勢，火弱勢，所以唔存在抗衡對峙嘅情況。 寅巳申無亥，主戰場金木交戰，木本來稍微不利。但木生火，火來剋金，令木火一黨同金勢均力敵。再加上巳火善變嘅性質，視乎金嘅強弱而叛變與申金相合，另到金和木嘅力量對比時大時細。因為無一方認輸而無止境交戰。 解決辦法，寅巳申而金旺用水通關；寅巳申而木火旺，用陰土濕土，己土辰土丑土，瀉火生金。 寅巳申三刑嘅核心關鍵其實係數理問題，係四方與五行分唔勻嘅結果。土歸入四墓庫，四長生「寅巳申亥」無土呢個五行（唔講藏干）。火同金之間，缺乏左土通關嗰條橋。 2025/02/20