有種好（伏）年叫蛇年

如果你之前搵過八字師父算十年大運，話2025 蛇年係好運年。建議你搵番師傅睇埋流年逐月睇。

因為巳蛇係好容易俾其他地支（譬如月份）改變屬性，改頭換面。巳蛇本身屬火，但一旦同酉+丑見面，會變成 金， 另外同 申見面， 又會變成水。火係熱，金水都係凍嘅，甚至火和水係完全相反嘅五行。呢種因為相合而變成五行相反嘅情況，只會係蛇年出現。實際例子來講，假如蛇年好係因為你八字喜火，但到了申月（大約陽曆8月），好有可能不但無左火，仲變埋水，水係你嘅忌。命運如果由好慢慢變壞，人還係比較容易適應。但如果人明明係行緊一個好運嘅年，突如其來嘅一個月，行衰運，呢種急劇嘅變化，好多時都意味著係意外嘅發生。
上面嘅例子只不過係想借喜火嘅八字解釋點解蛇年容易有中伏位。喜水，或者喜金嘅八字，又係完全另一個故事。始終巳蛇係變化多端，同埋睇八字要睇曬八隻字同埋帶出來嘅意象。所以最好搵番師傅望望 
2025/02/12